भदौ, २३ काठमाडौं । कृषि तथा वन विज्ञान विश्वविद्यालय चितवनमा रहेको पशु विकास फार्मका ज्यालादारी कर्मचारीहरुको अन्दोलनका कारण तीन दिनदेखि पशुहरु भोकै छन् । तीन दिनदेखि दाना पानी खान नपाउँदा पशुहरुको अवस्था दयनिय भएको छ ।
ज्यालमा काम गर्ने मजदुरहरुले आफ्नो सेवालाई करार गर्नु पर्ने माग राख्दै हडताल गरेका हुन् ।
उनीहरुको हडतालका कारण पशुपन्छिको अवस्था निकै दयनिय भएको क्याम्पसका प्राध्यापक डा. रेवन्त भट्टराईले हाम्रोपत्रिकासँगको कुराकानीमा बताए । उनी भन्छन्– ‘तीन दिनदेखि आफ्ना माग राखेर उहाँहरु आन्दोलनमा उत्रीनु भएको छ । तर पशुहरुको विजोग छ । पशुहरुलाई खान दिए हुन्थ्यो ।’
आन्दोलित भएका कर्मचारीहरुले उक्त फार्ममा रहेका पशुहरुलाई दाना पानी दिएका छैनन् भने अरु कसैलाई त्यहाँ दानापानी गर्न जानसमेत दिएका छैनन् । उक्त फाममा ५० / ६० जना ज्यालादारी मजदुर रहेका छन् ।
