काठमाडौं । आगामी सेप्टेम्बरमा जापानमा आयोजना हुने एसियन गेम्सका लागि नेपालले १५ सदस्यीय क्रिकेट टोली घोषणा गरेको छ।
नेपाल ओलम्पिक कमिटीले आइतबार दीपेन्द्रसिंह ऐरीको कप्तानीमा एसियन गेम्सका लागि अन्तिम टोली सार्वजनिक गरेको हो।
टोलीमा कप्तान दीपेन्द्रसिंह ऐरीसँगै रोहितकुमार पौडेल, सोमपाल कामी, करण केसी, सन्दीप लामिछाने, आरिफ शेख, आसिफ शेख, कुशल भुर्तेल, ललित राजवंशी, गुल्सनकुमार झा, नन्दन यादव, लोकेश बम, सन्दीप जोरा, शेर मल्ल र कुशल मल्ल रहेका छन्।
एसियन गेम्सअन्तर्गत क्रिकेटमा नेपालले अफगानिस्तान र आयोजक जापानसँग प्रतिस्पर्धा गर्नेछ।
टोलीको टिम लिडरमा विनोद दास रहेका छन्। मेडिकल पर्सोनेलमा लोकेन्द्र कुँवर, मुख्य प्रशिक्षकमा स्टुअर्ट ल र प्रशिक्षकमा अब्दुर सतार रहेका छन्। यस्तै, रमन शिवाकोटीलाई टेक्निकल पर्सोनेलको जिम्मेवारी दिइएको छ।
