काठमाडौं । नेपाली राष्ट्रिय पुरुष क्रिकेट टोलीले अन्तर्राष्ट्रिय क्रिकेट परिषद् (आइसिसी) को टी–२० अन्तर्राष्ट्रिय वरियतामा दुई स्थान सुधार गरेको छ।
शुक्रबार २०औँ एसियाली खेलकुदअन्तर्गत अफगानिस्तानलाई पाँच विकेटले पराजित गरेपछि सार्वजनिक भएको नयाँ वरियतामा नेपाल १४औँ स्थानमा उक्लिएको हो। यसअघि नेपाल १६औँ स्थानमा थियो।
नेपालसँगको हारपछि अफगानिस्तान भने एक स्थान तल झरेको छ। यसअघि नवौँ स्थानमा रहेको अफगानिस्तान अहिले दशौँ स्थानमा पुगेको छ।
शुक्रबार भएको खेलमा नेपालले अफगानिस्तानविरुद्ध ब्याटिङ र बलिङ दुवैमा प्रभावशाली प्रदर्शन गर्दै पाँच विकेटको जित निकालेको थियो। यो जितसँगै नेपालले प्रतियोगिताको क्वार्टरफाइनलमा पुग्ने सम्भावनासमेत बलियो बनाएको छ।
नेपालले समूह चरणको अन्तिम खेल शनिबार आयोजक जापानसँग खेल्नेछ।
