काठमाडौं । देशभर आज मौसम आंशिक बदली रहने भएको छ । जल तथा मौसम विज्ञान विभाग, मौसम पूर्वानुमान महाशाखाका अनुसार दिउँसो देशका अधिकांश भू–भागमा आंशिक बदली रहनेछ ।
महाशाखाका अनुसार दिउँसो हिमाली तथा पहाडी भू–भागका एक–दुई स्थानमा हल्का वर्षा तथा हिमपातको सम्भावना रहेको छ ।
यस्तै, रातिको समयमा पनि देशका हिमाली तथा पहाडी भू–भागमा आंशिक बदली रहनेछ । तराई भू–भागमा भने मौसम मुख्यतया सफा रहने महाशाखाले जनाएको छ ।
महाशाखाले मौसममा हुने परिवर्तनलाई ध्यानमा राखी दैनिक गतिविधि तथा यात्रा गर्दा आवश्यक सतर्कता अपनाउन आग्रह गरेको छ ।
