आज कुन तरकारी र फलफूलको मूल्य कति छ ?

काठमाडौँ । कालीमाटी फलफूल तथा तरकारी बजार विकास समितिले आजका लागि कृषि उपजको थोक मूल्य सार्वजनिक गरेको छ ।

समितिले सार्वजनिक गरेको मूल्यसूचीअनुसार नेपाली ठूलो गोलभेँडाको अधिकतम थोक मूल्य प्रतिकिलो ७० रुपैयाँ तोकिएको छ । त्यस्तै, सानो गोलभेँडा ३० रुपैयाँ, रातो आलु ६० रुपैयाँ र सेतो आलु ३२ रुपैयाँ प्रतिकिलो रहेको छ ।

यसैगरी, प्याजको मूल्य प्रतिकिलो ९२ रुपैयाँ, स्थानीय गाजर ९० रुपैयाँ र तराईको गाजर ६० रुपैयाँ कायम गरिएको छ ।

समितिका अनुसार बन्दा प्रतिकिलो ४० रुपैयाँ, स्थानीय काउली ४० रुपैयाँ र तराईको काउली ३० रुपैयाँ रहेको छ ।

समितिले सार्वजनिक गरेको मूल्यसूचीअनुसार फलफूल तथा तरकारीको थोक मूल्यमा विभिन्न वस्तुअनुसार फरक रहेको छ ।