काठमाडौं । राष्ट्रिय सभाको अध्यक्षमा नारायण दाहाल निर्वाचित भएका छन्
मंगलबार राष्ट्रिय सभामा भएको मतदानमा दाहालको पक्षमा ३९ र विपक्षमा १७ मत परेको छ । मतदानमा ५६ जना सांसद उपस्थित थिए ।
त्यसअघि, कांग्रेसका उम्मेदवार युवराज शर्मालाई राष्ट्रिय सभाको अध्यक्षमा निर्वाचित गरियोस् भन्ने प्रस्ताव बहुमतले अस्वीकृत भएको थियो ।
दाहाल सत्तारुढ दलहरुको तर्फबाट उम्मेदवार थिए भने शर्मा कांग्रेस र लोसपाका तर्फबाट उम्मेदवार थिए ।
सत्तारुढ दलहरुमा नेकपा एमाले, नेकपा माओवादी केन्द्र, नेकपा एकीकृत समाजवादी र जनता समाजवादी रहेको छ ।
