असार, ४ काठमाडौं । पछिल्लो विवरण अनुसार नेपालमा थप २ हजार ७६८ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १३ हजार ३७ जनाको नमूना परीक्षण गर्दा सो संख्यामा नयाँ संक्रमित थपिएका हुन।
यस्तै सोही अवधिमा ४४ जनाको मृत्यु भएको छ। मन्त्रालयका अनुसार आज ४ हजार २० जनाले कोरोना जितेका छन्।
आज देशभरिमा थपिएका कोरोना संक्रमित मध्ये उपत्यकामा मात्रै आज थप ५ सय ८ जनामा संक्रमण पुष्टि भएको छ।
