काठमाडौँ । नेपालले साफ महिला च्याम्पियनसिप फुटबलमा विजयी सुरुवात गरेको छ । भारतको गोवास्थित जवाहरलाल नेहरू स्टेडियममा सोमबार भएको खेलमा नेपालले भुटानलाई १-० गोलले हरायो ।
प्रस्पिर्धात्मक खेलमा नेपालका लागि गिता रानाले गोल गरिन् । गिताले २३औँ मिनेटमा गर्नुभएको गोल नेपालको जितमा प्रयाप्त बन्यो ।
६ टोली सहभागी च्याम्पियनसिपमा नेपाल समूह ‘ए’ मा रहेको छ । यस समूहमा श्रीलंका र भुटान छ । समूह ‘बी’ मा आयोजक भारत, बांङ्लादेश र माल्दिभ्स रहेको छ ।
नेपालले समूहको दोस्रो खेल मे ३१ मा श्रीलंकासँग खेल्नेछ । समूहमा शीर्ष दुई टोली सेमफाइनलमा प्रवेश गर्नेछन् । दुई साताअघि मात्र तयारी सुरु गरेको नेपालले उपाधि जित्ने दाबी गर्दै भारत गएको हो ।
