काठमाडौं । मुस्ताङस्थित लक्जरी रिसोर्ट ‘शिन्तामणि मुस्ताङ’ विश्वकै उत्कृष्ट लक्जरी होटलको रूपमा सूचीकृत भएको छ। रब रिपोर्ट्स ले सार्वजनिक गरेको ‘५० ग्रेटेस्ट लक्जरी होटल्स अन अर्थ २०२६’ सूचीमा शिन्तामणिले पहिलो स्थान हासिल गरेको हो।
विश्वभरका २४ जना प्रतिष्ठित ट्राभल विज्ञहरूको प्यानलले तयार पारेको उक्त सूचीमा तल्लो मुस्ताङमा रहेको शिन्तामणिलाई शीर्ष स्थानमा राखिएको हो। चर्चित आर्किटेक्ट बिल बेन्स्ले ले डिजाइन गरेको यो रिसोर्ट यती समूहअन्तर्गतको शेर्पा हस्पिटालिटी ग्रुप (एसएचजी) ले सन् २०२३ को अगस्टदेखि सञ्चालन गर्दै आएको छ।
रब रिपोर्ट्सका अनुसार शिन्तामणिका प्रत्येक कोठाबाट देखिने हिमाली दृश्य र प्राकृतिक सौन्दर्यले पाहुनालाई अविस्मरणीय अनुभव प्रदान गर्छ।
एसएचजीका प्रमुख कार्यकारी अधिकृत (सीईओ) नाम्ग्याल शेर्पा ले यो उपलब्धि एउटा होटलको मात्र नभई नेपालको पर्यटन क्षेत्रकै ठूलो सफलता भएको बताएका छन्। उनका अनुसार नेपाललाई विश्वस्तरीय लक्जरी पर्यटन गन्तव्यका रूपमा स्थापित गर्ने दीर्घकालीन लक्ष्यले अहिले सार्थकता पाएको छ।
नेपालकै महँगा होटलमध्ये एक मानिने शिन्तामणिमा
