सिमरा (बारा) । बाराको सिमरामा हत्या गरिएकी तीन वर्षीया बालिका गरिमा चौधरीका आमा–बुवा सरकारसँग छलफल गर्न काठमाडौं आइपुगेका छन्।
गरिमाका बुवा मनोज चौधरी र आमा मानमती चौधरीलाई शनिबार साँझ गृह मन्त्रालय पुर्याइएको छ। उनीहरूसँग गृहमन्त्री सुधन गुरुङसहित सरकारी प्रतिनिधिले छलफल गर्ने कार्यक्रम छ।
छलफलमा कृषिमन्त्री गीता चौधरी पनि सहभागी भएकी छिन्।
गरिमाका आमा–बुवालाई स्थानीय अभियन्तासहित शनिबार अपराह्न सिमरा विमानस्थलबाट काठमाडौं ल्याइएको हो।
काठमाडौं आउनुअघि गरिमाका बुवा मनोज चौधरीले छोरीलाई न्याय दिलाउन स्थानीयवासीलाई आन्दोलन निरन्तर जारी राख्न आग्रह गरेका थिए।
