काठमाडौं । नेपाली कांग्रेसका सभापति गगनकुमार थापाले पार्टीको १५औँ महाधिवेशनबाट निर्वाचित केन्द्रीय कार्यसमितिका पदाधिकारी तथा केन्द्रीय सदस्यहरूलाई शपथ गराउनुभएको छ।
महाधिवेशनबाट निर्वाचित नयाँ नेतृत्वले शपथ ग्रहण गरेसँगै पार्टीको नेतृत्वले औपचारिक रूपमा जिम्मेवारी सम्हालेको छ। नवनिर्वाचित पदाधिकारी तथा केन्द्रीय सदस्यहरूले पार्टीको विधान, नीति र सिद्धान्तअनुसार संगठनलाई थप सुदृढ बनाउँदै अघि बढ्ने अपेक्षा गरिएको छ।
नयाँ नेतृत्वका लागि पार्टीभित्र एकता कायम गर्ने, संगठन विस्तार गर्ने र बदलिँदो राजनीतिक परिस्थितिअनुसार कांग्रेसलाई थप प्रभावकारी बनाउने चुनौती र अवसर दुवै रहेका छन्।
