काठमाडौं । २१ फागुनमा हुने प्रतिनिधिसभा चुनावका लागि निर्वाचन आयोगले निर्वाचन कार्यतालिका स्वीकृत गरी सार्वजनिक गरेको छ । आज सोमबार आयोगले स्वीकृत गरेको कार्यतालिकाअनुसार १ देखि १० मंसिरसम्म निर्वाचन प्रयोजनका लागि राजनीतिक दल दर्ताको कार्यक्रम रहेको छ ।
पहिलो हुने निर्वाचित हुने निर्वाचन प्रणालीका लागि २ माघदेखि निर्वाचन अधिकृतको कार्यालय स्थापना हुने तालिका छन् । त्यस्तै, ३ देखि १८ फागुनसम्म चुनाव प्रचारप्रसार हुने र त्यसपछि प्रचारप्रसार निषेधको अवधि हुने छ ।
२१ फागुनमा बिहान ७ देखि साँझ ५ बजेसम्म मतदान हुने र दुवै निर्वाचन प्रणालीतर्फको मतपेटिका संकलन भएपछि मतगणना प्रारम्भ गरिने कार्यक्रम रहेको छ । समानुपातिक निर्वाचन प्रणालीका लागि १५ मंसिरमा निर्वाचन अधिकृतको कार्यालय स्थापना हुने र १८ र १९ पुसमा बन्दसूची गर्ने कार्यक्रम छ ।
कार्यतालिकामा १ देखि १० मंसिरसम्म आयोगमा दल दर्ता गरिसक्नुपर्नेछ । कार्यतालिका सार्वजनिक भएपनि प्रत्यक्षतर्फको उम्मेदवार मनोनयनबारे तालिकामा केही उल्लेख गरिएको छैन ।
