काठमाडौं । संवैधानिक परिषद्ले प्रधानन्यायाधीशमा गरेको सिफारिसबारे धारणा बनाउन नेपाल बार एसोसिएसनले बैठक डाकेको छ ।
बारका महासचिव वरिष्ठ अधिवक्ता केदार कोइरालाका अनुसार भोलिको लागि बैठक बोलाइएको हो । बैठकमा बारका सल्लाहकार, संविधानविद्, कानुनविद् र पूर्वपदाधिकारीलाई रायका लागि छलफलमा डाकिएको उनको भनाइ छ ।
बैठकपछि बारले आधिकारिक धारणा सार्वजनिक गर्ने उनले बताए ।
बिहीबार बसेको संवैधानिक परिषद् बैठकले बहुमत निर्णयका आधारमा चौथो वरीयतामा रहेका सर्वोच्च अदालतका न्यायाधीश डा. मनोजकुमार शर्मालाई प्रधानन्यायाधीशमा सिफारिस गर्ने निर्णय गरेको छ ।
