काठमाडौं– नेपाल विश्व स्वास्थ्य संगठन (डब्लूएचओ) को उपाध्यक्षमा निर्वाचित भएको छ ।
जेनेभामा जारी डब्लूएचओको विश्व स्वास्थ्य महासभाको ७९ औँ सत्रले सोमबार नेपालसहित पाँच देशलाई उपाध्यक्षमा निर्वाचित गरेको हो ।
नेपालसँगै लिबिया, माली, पोल्याण्ड र पपुवा न्युगिनी उपाध्यक्षमा निर्वाचित भएको विश्व स्वास्थ्य संगठनले जनाएको छ ।
महासभामा भाग लिन नेपालबाट स्वास्थ्य तथा खाद्य स्वच्छता मन्त्री निशा मेहता नेतृत्वको टोली जेनेभा पुगेको छ ।
