काठमाडौँ । वीरेन्द्रनगर नगरपालिका-६ स्थित सिटी बसपार्क क्षेत्रमा काफल बिक्री गर्दै आएकी महिलालाई नगरपालिकाले राहत तथा क्षतिपूर्तिस्वरूप १० हजार रुपैयाँ उपलब्ध गराएको जनाएको छ ।
नगरपालिकाका अनुसार जेठ ५ गते साँझ नगर प्रहरीद्वारा सडक पेटी तथा फुटपाथ व्यवस्थापन अभियान सञ्चालन गर्ने क्रममा ती महिला प्रभावित भएकी थिइन् ।
नगर प्रमुख मोहनमाया ढकाल भण्डारीले घटनापछि पीडित महिलालाई आर्थिक राहत उपलब्ध गराइएको जानकारी दिएकी छन् ।
घटनासम्बन्धी भिडियो सामाजिक सञ्जालमा व्यापक रूपमा फैलिन थालेपछि नगरपालिकाले आवश्यक छानबिन गर्दै सम्बन्धित नगर प्रहरीमाथि कारबाही प्रक्रिया अघि बढाएको तथा पीडित पक्षलाई राहत उपलब्ध गराइएको जनाएको छ ।
