काठमाडौँ । नेपाली बजारमा आइतबार सुनको मूल्य प्रतितोला रु ६०० ले वृद्धि भएको छ। नेपाल सुनचाँदी व्यवसायी महासंघका अनुसार छापावाल सुनको मूल्य आइतबार प्रतितोला रु २ लाख ८८ हजार निर्धारण गरिएको छ।
शुक्रबार छापावाल सुन प्रतितोला रु २ लाख ८७ हजार ४०० मा कारोबार भएको थियो। त्यसको तुलनामा आइतबार सुनको मूल्य रु ६०० ले बढेको हो।
महासंघका अनुसार आइतबार सुनको मूल्य प्रति १० ग्राम रु २ लाख ४६ हजार ९१५ कायम गरिएको छ।
यसैबीच, चाँदीको मूल्य भने घटेको छ। आइतबार चाँदी प्रतितोला रु ४ हजार ४७५ मा कारोबार हुने गरी मूल्य निर्धारण गरिएको छ। शुक्रबार चाँदीको मूल्य प्रतितोला रु ४ हजार ५१० रहेको थियो।
यस आधारमा चाँदीको मूल्य प्रतितोला रु ३५ ले घटेको हो। महासंघका अनुसार चाँदीको प्रति १० ग्राम मूल्य रु ३ हजार ८३७ कायम भएको छ।
नेपाल सुनचाँदी व्यवसायी महासंघले अन्तर्राष्ट्रिय बजारमा हुने मूल्य उतारचढावलाई आधार बनाएर नेपाली बजारका लागि दैनिक रूपमा सुन तथा चाँदीको कारोबार मूल्य तोक्दै आएको छ।
