काठमाडौँ। देशका विभिन्न प्रदेशमा परेको अविरल वर्षा र त्यसबाट आएको बाढी तथा पहिरोका कारण देशका प्रमुख राजमार्गहरू प्रभावित भएका छन्।
नेपाल प्रहरीले सोमबार बिहान ६:३० बजेसम्म सार्वजनिक गरेको विवरणअनुसार कोशी, बागमती, गण्डकी र लुम्बिनी प्रदेशका विभिन्न सडक खण्डमा बाढी र पहिरोका कारण यातायात सञ्चालनमा अवरोध उत्पन्न भएको हो।
कोशी प्रदेशअन्तर्गत भोजपुर नगरपालिका–५, बोखिमस्थित मध्यपहाडी लोकमार्गमा असार १२ गते आएको बाढीपछि हाल सडक एकतर्फी सञ्चालनमा आएको छ। सो क्षेत्रमा वैकल्पिक मार्गसमेत सञ्चालनमा रहेको प्रहरीले जनाएको छ।
यस्तै, इलाम नगरपालिका–९, राजदुवालीस्थित मेची राजमार्ग असार २३ गतेदेखि परेको अविरल वर्षाका कारण पूर्ण रूपमा अवरुद्ध छ। प्रभावित क्षेत्रमा सवारी आवागमनका लागि वैकल्पिक मार्ग प्रयोग भइरहेको प्रहरीले जनाएको छ।
अन्य प्रदेशको अवस्था हेर्नुहोस्:
