काठमाडौँ – जापानविरुद्ध हुने टी–२० शृङ्खला तथा आगामी एसियन गेम्सका लागि भारतले आफ्नो टी–२० टोली घोषणा गरेको छ। टोलीको नेतृत्व श्रेयस अय्यरले गर्ने भएका छन्।
घोषित टोलीमा अनुभवी खेलाडीका साथै युवा प्रतिभालाई पनि समेटिएको छ। तीव्र गतिका बलर जसप्रित बुमराह, अलराउन्डर अक्षर पटेल तथा विकेटकिपर ब्याटर सञ्जु सामसन र इशान किशन टोलीमा परेका छन्।
यस्तै तिलक वर्मा, रवि बिस्नोई, शिवम दुबे, विपराज निगम, अभिषेक शर्मा, अर्शदीप सिंह, वैभव सूर्यवंशी, वासिङ्टन सुन्दर र यश ठाकुरले पनि टोलीमा स्थान बनाएका छन्।
भारतले जापानविरुद्धको शृङ्खला र एसियन गेम्सलाई लक्षित गर्दै अनुभवी तथा युवा खेलाडीको संयोजनसहित टोली तयार गरेको हो। श्रेयस अय्यरको कप्तानीमा रहेको भारतीय टोलीले दुवै प्रतियोगितामा प्रतिस्पर्धा गर्नेछ।
