७ असोज, काठमाडौं । पछिल्लो विवरण अनुसार नेपालमा थप ७ जनाको कोरोनाका कारण मृत्यु भएको छ । योसँगै नेपालमा मृत्यु हुनेको संख्या ४३६ पुगेको छ ।
मृतक मध्ये ६ जना पुरुष र १ जना महिला रहेका छन् ।
त्यस्तै, नेपालमा थप १ हजार १७२ जनामा कोरोना भाइरस ९कोभिड १९० संक्रमण पुष्टि भएको छ ।
बितेको २४ घण्टामा देशका विभिन्न स्थानमा रहेका प्रयोगशालामा गरिएका ९ हजार ४४९ नमूनाको आरटी पिसिआर परिक्षणका क्रममा थप १ हजार १७२ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले दिएको जनाएको छ । योसँगै नेपालमा कोरोना संक्रमितको संख्या ६७ हजार ८०४ पुगेको छ ।
काठमाडौंमा ४९२, ललितपुरमा ५० र भक्तपुरमा ९५ जनासहित देशभर ४२६ महिला र ७४६ जना पुरुष संक्रमित थपिएका छन् ।
