जेनजीको प्रदर्शनमा गोली चलाउन आदेश दिएको भन्दै पूर्वप्रतिनिधिसभा सदस्य अभिषेक प्रताप शाहद्वारा निवर्तमान प्रधानमन्त्री केपी शर्मा ओलीविरुद्ध कर्तव्य ज्यान मुद्दामा जाहेरी परेकाे छ।
पूर्वप्रतिनिधिसभा सदस्य अभिषेक प्रताप शाहले जिल्ला प्रहरी भद्रकालीको इमेल आइडीमा मेल गरेर जाहेरी दिएका हुन्। जाहेरीमा ओलीले नै गोली चलाउन आदेश दिएको दाबी गरिएको छ।
जाहेरीमा ओलीमाथि जघन्य अपराधको अभियोग लगाउँदै घटनाको गहिरो अनुसन्धान गरी प्रमाणसहित कानुनी कारबाही गर्न माग गरिएको छ। साथै, शव परीक्षण रिपोर्ट र घटनास्थल मुचुल्का प्रमाणका रूपमा पेस गर्न माग गरिएको छ।
जाहेरीमा मृतकहरूको नाम पनि समावेश गरिएको छ।
