काठमाडौँ । नेपाली काँग्रेसका उपसभापति विश्वप्रकाश शर्माले देश र मधेश दुवै संकटपूर्ण अवस्थाबाट गुज्रिरहेको उल्लेख गर्दै यस्तो समयमा परिस्थिति सम्हाल्न सक्ने शक्तिलाई जिताउनुपर्ने आवश्यकता औँल्याएका छन्।
बुधबार जनकपुरधाममा आयोजित काँग्रेसको चुनावी सभालाई सम्बोधन गर्दै उनले अहिलेको चुनाव सामान्य प्रतिस्पर्धाभन्दा फरक भएको बताए।
‘हामी जान्दछौँ-यो बेला देश दुखिरहेको छ, मधेश दुखिरहेको छ,’ उनले भने, ‘अहिले मूल प्रश्न कसलाई जिताउने भन्ने होइन, यो परिस्थितिमा देशलाई कसले सम्हाल्न सक्छ भन्ने हो।’
उपसभापति शर्माले काँग्रेसका लागि जित वा हार अनौठो विषय नभएको उल्लेख गर्दै अहिलेको बहस व्यवस्थाको भविष्यसँग जोडिएको बताए।
उनले मधेशको योगदानप्रति विशेष सम्मान व्यक्त गर्दै मधेशलाई देशको अन्न भण्डारका रूपमा चित्रण गरेका छन्।
