काठमाडौं – राष्ट्रिय सभा उपाध्यक्ष लीला कुमारी भण्डारी र नेपालका लागि चिनियाँ राजदूत चाङ माओमिङबीच शिष्टाचार भेटवार्ता भएको छ।
भेटमा नेपाल–चीन ऐतिहासिक मित्रता, द्विपक्षीय सम्बन्ध, सांस्कृतिक आदानप्रदान, संसदीय सहकार्य, विकास साझेदारी तथा क्षेत्रीय एवं अन्तर्राष्ट्रिय विषयमा विचार आदानप्रदान भएको थियो।
दुवै पक्षले आपसी सम्बन्धलाई अझ सुदृढ बनाउँदै आर्थिक, प्राविधिक तथा जनस्तरको सहकार्य विस्तार गर्नेमा जोड दिएका थिए ।
भेटका क्रममा उपाध्यक्ष भण्डारीले नेपाल एक–चीन नीति प्रति अडिग रहेको कुरा स्पष्ट पार्दै नेपालको विकास प्रयासमा चीनले पुर्याउँदै आएको निरन्तर सहयोग र साझेदारीप्रति आभार व्यक्त गरेकी थिइन् ।
उपाध्यक्ष भण्डारीले नेपालको पर्यटन, पूर्वाधार विकास, सुशासन र समृद्धिका लागि मित्रराष्ट्र चीनको निरन्तर सहयोगको अपेक्षा व्यक्त गरिन् ।
राजदूत चाङले नेपालको स्थायित्व, विकास र समृद्धिमा चीनको साथ रहने प्रतिबद्धता व्यक्त गर्दै विश्व शान्तिका लागि मध्यपूर्वमा जारी युद्धको समाधानका लागि चीनले पहल गर्ने विश्वास दिलाएका थिए ।
