काठमाडौँ । संयुक्त राष्ट्रसंघीय निकाय संयुक्त राष्ट्र महिला (युएन वुमन) अन्तर्गत नर्मेटिभ सपोर्ट सम्बन्धी सहायक महासचिव तथा उपकार्यकारी निर्देशक न्यारादजायी गुम्बोनज्वान्दाको नेतृत्वमा आएको प्रतिनिधिमण्डलले महिला, बालबालिका तथा ज्येष्ठ नागरिक मन्त्री सिता बादीसँग शिष्टाचार भेट तथा छलफल गरेको छ।
उक्त भेटमा लैंगीक समानता प्रवर्द्धन, महिला सशक्तीकरण, सामाजिक समावेशीकरण, महिलाको नेतृत्व तथा सहभागिता विस्तार, तथा सीमान्तकृत समुदायको अधिकार संरक्षणसँग सम्बन्धित विषयमा विस्तृत रूपमा छलफल भएको मन्त्रालयले जनाएको छ।
छलफलमा संयुक्त राष्ट्र महिला (युएन वुमन) एसिया तथा प्रशान्त क्षेत्रीय कार्यालयकी क्षेत्रीय निर्देशक क्रिस्टिन अरब तथा संयुक्त राष्ट्र महिला नेपाल कार्यालयकी देशीय प्रतिनिधि प्याट्रिसिया फर्नान्डेज-पाचेकोको समेत सहभागिता रहेको थियो।
सरकारी पक्ष र संयुक्त राष्ट्रसंघीय निकायबीच भएको उक्त भेटलाई आगामी दिनमा महिला अधिकार, लैंगीकक समानता तथा समावेशी विकासका क्षेत्रमा सहकार्य थप सुदृढ गर्ने महत्वपूर्ण अवसरका रूपमा लिइएको छ।
