काठमाडौँ । नेपाल सरकार, सूचना तथा सञ्चार मन्त्रालयले सार्वजनिक सेवा प्रसारण संस्थामा रिक्त रहेको अध्यक्ष पदका लागि आह्वान गरिएको दरखास्त प्रक्रिया रद्द गरेको छ ।
मन्त्रालयले आज एक सार्वजनिक सूचना जारी गर्दै हिजो (बिहीबार) मात्र प्रकाशित गरिएको दरखास्त आह्वान सम्बन्धी सूचना रद्द गरिएको जानकारी दिएको हो ।
विशेष कारणवश भन्दै मन्त्रालयले उक्त सूचना रद्द गरेको हो । रिक्त अध्यक्ष पदपूर्तिका लागि योग्य उम्मेदवारहरूबाट दरखास्त माग गर्दै हिजो मात्रै मन्त्रालयले सार्वजनिक सूचना जारी गरेको थियो ।
