काठमाडौँ । भोटेकोशी नदीमा आएको बाढीमा परी मृत्यु हुनेको संख्या २७० पुगेको छ।
प्रहरीका अनुसार बिहीबार दिउँसो १ः३० बजेसम्म बाढी प्रभावित विभिन्न जिल्लाबाट २७० जनाको शव फेला परेको हो।
प्रहरीले दिएको विवरणअनुसार रसुवामा १७, नुवाकोटमा १२, धादिङमा २७, चितवनमा १०८, गोरखामा २०, तनहुँमा ९, नवलपरासी पूर्वमा ६२ र नवलपरासी पश्चिममा १५ जनाको शव फेला परेको छ।
बाढीमा परी घाइते भएका ६६ जनाको काठमाडौँका विभिन्न अस्पतालमा उपचार भइरहेको प्रहरीले जनाएको छ।
उद्धार तथा राहत कार्यलाई तीव्रता दिन बाढी प्रभावित क्षेत्रमा नेपाल प्रहरीका ४ हजार ५० जना परिचालन गरिएको छ। प्रहरी प्रधान कार्यालयका अनुसार परिचालित प्रहरीमध्ये २८ जना अझै सम्पर्कविहीन छन्।
प्रहरी तथा अन्य सुरक्षा निकायले बाढी प्रभावित क्षेत्रमा खोजी तथा उद्धार कार्यलाई निरन्तरता दिएका छन्।
