चितवन । रसुवा क्षेत्रमा पुनः बाढी आउन सक्ने सूचनापछि केही समय रोकिएका नारायणगढ–मुग्लिन र पृथ्वी राजमार्गका सवारी साधनको आवागमन पुनः पूर्ण रूपमा सुचारु भएको छ।
जिल्ला प्रहरी कार्यालय चितवनले सूचना जारी गर्दै बाढीको जोखिम नरहेको जानकारी प्राप्त भएपछि रोकिएका सबै प्रकारका सवारी साधनलाई गन्तव्यतर्फ जान अनुमति दिइएको जनाएको छ।
सम्भावित जोखिमलाई मध्यनजर गर्दै नारायणगढबाट मुग्लिन हुँदै पोखरा तथा काठमाडौँ जाने र उताबाट आउने सवारी साधन केही समय रोकिएका थिए। अवस्था सामान्य भएपछि प्रहरीले आवागमन खुला गरेको हो।
वर्षाको मौसम र भौगोलिक संवेदनशीलताका कारण सडक सञ्चालनमा आए पनि यात्राका क्रममा विशेष सावधानी अपनाउन प्रहरीले आग्रह गरेको छ।
