काठमाडौँ । रसुवाको भोटेकोशी क्षेत्रमा आएको विनाशकारी बाढीमा परी हालसम्म ७३४ जनाको शव फेला परेको छ। प्राधिकरणको पछिल्लो रिपोर्टअनुसार बाढीको तीव्र बहावसँगै शवहरू तल्लो तटीय जिल्लासम्म पुगेका छन्।
कहाँ कति शव फेला परे ?
चितवन : २५९ जना
नवलपरासी पूर्व : १८४ जना
नवलपरासी पश्चिम : ८२ जना
गोरखा : ५८ जना
नुवाकोट : ५२ जना
धादिङ : ५० जना
तनहुँ : ३६ जना
रसुवा : १३ जना
२ हजार ४९८ जना अझै सम्पर्कविहीन
बाढीपछि २ हजार ४९८ जना अझै सम्पर्कविहीन रहेको प्राधिकरणले जनाएको छ। सम्पर्कविहीन हुनेमा विभिन्न सुरक्षा निकायका ८५ जना छन्। तीमध्ये नेपाली सेनाका ४५, नेपाल प्रहरीका २७ र सशस्त्र प्रहरीका १३ जना रहेका छन्।
त्यस्तै, विभिन्न जलविद्युत् आयोजनामा कार्यरत ९३३ जना कामदार समेत सम्पर्कविहीन भएका छन्।
सम्पर्कविहीन हुनेमा ५८९ जना विदेशी नागरिक तथा उनीहरूसँगै रहेका १२७ जना नेपाली पर्यटन सहयोगी पनि छन्। स्थानीय प्रशासनका अनुसार रसुवाबाट ५६२ जना र नुवाकोटबाट ११५ जना बेपत्ता भएका छन्।
विपद्पछि उद्धार तथा खोजी कार्यका लागि देशभर १९ हजार ८९५ सुरक्षाकर्मी परिचालन गरिएको छ। हालसम्म ८ हजार १८६ जनाको जीवितै उद्धार गरिएको प्राधिकरणले जनाएको छ।
