काठमाडौँ । वरिष्ठ पत्रकार तथा लेखक युवराज गौतमको ६६ वर्षको उमेरमा निधन भएको छ।
श्वासप्रश्वासमा समस्या भएपछि आज बिहान बलम्बुस्थित नेपाल सशस्त्र प्रहरी बल अस्पतालमा उपचारका लागि पुर्याइएका गौतमलाई चिकित्सकले मृत घोषणा गरेका हुन्। अस्पतालका चिकित्सक डा. दिवाकर सिंह थापाका अनुसार स्वास्थ्य परीक्षणका क्रममा उनको मुटुको चाल बन्द भइसकेको पाइएको थियो।
इलाममा सन् १९६० मा जन्मिएका गौतम पत्रकारितासँगै लेखन क्षेत्रमा पनि सक्रिय थिए। उनी गोरखापत्र दैनिकका पूर्वप्रधानसम्पादकसमेत हुन्।
गौतमको अन्त्येष्टि आइतबार गरिने जनाइएको छ।
