नेपाल ह्याचरी उद्योग संघले हिजो आकस्मिक बैठक बसी आज असार २६ गते बिहिबार बाट आइतबार सम्म काठमाडौँ, ललितपुर, भक्तपुर लगायतका जिल्लाहरूमा चल्ला बिक्री वितरणको अनुगमन गर्ने निर्णय गरेको छ । संघले असार २३ गते देखि असार २९ गते आइतबार सम्म एक हप्ताको निम्ती ब्रोइलर तथा कलर ब्रोइलर चल्लाको उत्पादन तथा बिक्री वितरण बन्द गर्न आभ्वान गरेको थियो ।
नेपाल ह्याचरी उद्योग संघका अध्यक्ष श्री लक्ष्मीदास मानन्धरको संयोजकत्मा गठन भएको अनुगमन टोलिको सदस्यहरुमा प्रथम उपाध्यक्ष बलराम किसी, द्वितीय उपाध्यक्ष, बलराम सन्जेल, नेपाल दाना उद्योग संघका अध्यक्ष रविन पुरी र संघका सदस्यहरु विष्णु प्रसाद रिमाल, नारायण गिरी छन् ।
नेपाल दाना उद्योग संघका अध्यक्ष रविन पुरीका अनुसार काभ्रेपलाञ्चोक, नुवाकोट, धादिङ हुँदै काठमाडौं भित्रने नाकाहरूमा विशेष निगरानी राखिनेछ। त्यस्तै काठमाडौं उपत्यका बाहेक धादिङ, नुवाकोट र काभ्रेपलान्चोक जिल्लामा भएको ब्रोइलर कुखुराको ह्याचरीहरुको पनि अनुगमन उक्त टोलिले गर्नेछ ।
नेपालमा दर्ता भएको ३५० ह्याचरी मध्य ८० वटा ह्याचरी मात्र सन्चालनमा आइरहेको छ ।
अहिले एउटा ब्रोइलर चल्ला रु १५ देखी २० मा बिक्री भईरहेको छ । अहिले ब्रोइलर चल्लाको लागत मूल्य रु ६० परिरहेको व्यवसायीहरु बताउछन् । गत बर्ष भन्दा यो बर्ष ४० प्रतिशतले बढी चल्ला उत्पादन भएको बताइएको छ ।
